MHC i FCB ta firma akuerdo di kooperashon pa un ofisina nobo na Boneiru

24 April 2024

Kralendijk- Riba 23 di aprel último Mental Health Caribbean (MHC) i e fundashon enkargá ku bibienda Fundashon Cas Boneriano (FCB), a firma un akuerdo di intenshon pa konstrukshon di un ofisina nobo pa MHC na Boneiru.

Durante e enkuentro festivo aki na e kantor prinsipal di MHC, na Kaya P. Silie 14, miembro di direktiva di FCB señor Ben Oleana i direktor di MHC señor Erik Jansen a firma un akuerdo di kooperashon. Durante e evento ámbos a ekspresá nan deseo pa fortifiká nan kolaborashon di realisá un ofisina nobo pa FACT. Ademas di esaki direktiva i departamento di maneho ta alkansabel na e di dos piso. Segun Jansen, “konstrukshon di un ofisina nobo ta nesesario debí na e oumento di kuido di salu mental na Boneiru. Esaki ta nifiká ku ta nesesario oumentá e kantidat di personal. Aktualmente tin mas o ménos 100 empleado ta traha na MHC. Ku konstrukshon di e ofisina nobo aki nos por mehorá kuido di salu mental pa habitantenan di Boneiru i hasi esaki mas aksesibel.”

• Deel dit artikel: