Praktijk Resilensia

Praktijk Resilensia

Bo ta tristu òf bo tin prekupashon pa bo mes òf un ser kerí?

E ora ei bo por akudí na Praktijk Resilensia pa yudansa. Nos ta ofresé asistensia sikológiko na adulto, hóben i mucha. Resilensia ta para pa ‘kapasidat di rekuperá’ i ta kuadra ku e vishon di e práktika: empoderá e kliente.

Pa kiko entre otro bo por aserká nos?

Keho riba estado di animo
tristesa, soledat, desesperashon, depreshon, estado di animo ku ta varia.

Keho di angustia
fobia, ataka di pániko, komportashon impulsivo, pensamentunan ku ta keda ripití, miedu di faya.

Problema pa adaptá i prosesá
rou, trouma, atendé ku malesa, problemátika den diferente fase di bida.

Problema ku identifikashon
imágen propio negativo, problema ku asertividat, bèrgwensa.

Problema interpersonal
atendé ku divorsio, konflikto, víktima di komportashon dañino di otronan (tenta/pèster, violashon, manipulashon, relashon/mayor narsisista, etc.).

Problema ku trabou i estudio
inisio di burn-out, keho, pèrdida di trabou, problema pa konsentrá, miedu di faya, prestashon abou.

Keho sikosomátiko leve
doló di kabes, doló di barika, keho di tur sorto di tenshon, hiperventilashon, kansansio kontinuo a konsekuensia di faktornan ku ta duna strès.

Problema pa drumi
problema pa pega soño, problema pa keda drumí.

Problema di komportashon i pa ahustá
serka mucha i hóben.

E tratamentunan ta di durashon kòrtiku. Un tratamentu ta konsistí di maksimal 8 seshon di mas o ménos 45 minüt. Pa garantisá privasidat di nos klientenan ta traha ku un dosié elektróniko di kada pashènt. Ta raportá informashon konfiabel solamente na esnan ku direktamente embolbí den e tratamentu.

Trayekto di tratamentu na Resilensia

Registrashon
Bo ta interesá den un tratamentu na e Praktijk Resilensia? E ora ei bo mester di referensia di bo dòkter di kas òf spesialista. Despues ku nos risibí e referensia nos ta tuma kontakto ku bo. Nos lo deliberá kiko ta bo kehonan i bo ta risibí un invitashon pa un kòmbersashon orientativo na nos lokalidat. Den sierto kaso, dependé bo keho òf petishon pa yudansa, nos lo referí bo na un otro profeshonal di kuido.

Kòmbersashon orientativo
Den e kòmbersashon orientativo ta sera konosí. Den e kòmbersashon aki ta trese bo situashon i bo petishon pa yudansa dilanti i ta formulá e metanan di tratamentu.

Tratamentu
Despues di e kombersashon orientativo ta inisiá ku e tratamentu. Un tratamentu semper ta trabou na midí i bo motivashon ta un kondishon importante. Pensa riba kumpli ku palabrashonnan i traha eventual tarea na kas. Nos ta deliberá regularmente kon e tratamentu ta progresá i nos ta evaluá si e kehonan ta bira ménos.

Kòmbersashon final
Na final di e tratamentu nos ta evaluá huntu si nos a logra e metanan. Na momentu ku alkansá e metanan ta finalisá e tratamentu na Praktijk Resilensia. Si no alkansá e metanan nos lo evaluá kua referensia ta adekuá.

Lokalidat i informashon di kontakto

Psychologenpraktijk Resilensia
Kaya P Silié 10 (edifisio blou)
Kralendijk, Bonaire
Tel.: +599 717 0166 / +599 796 1132