Mental Health Caribbean
Change language:

Vakatura

E variedat di e trabou, e relevansia sosial i e aktualidat ta hasi MHC un lugá atraktivo pa traha i siña. Den e menú Traha i Siña bo ta haña mas informashon tokante nos vakaturanan i tambe nos maneho di personal.

Vakatura

Klek akinan pa vakantura

Stazje

Ku bista riba e proseso di rekrutá i selekshoná empleadonan nobo ku mester tin un sierto grado di konosementu di kuido di adikshon i sikiatria, Mental Health Caribbean sigur tin interes den krea kuponan di stazje. Banda di esaki nos ta haña ku for di e punto di bista sosial tambe ta importante pa kontribuí na e proseso di enseñansa di futuro empleadonan dor di kompartí nos konosementu i eksperensia. Pa e motibu aki tambe MHC ta rekonosé komo empresa di formashon dor di ROA CN, Raad Onderwijs Arbeidsmarkt Caribisch Nederland (Konseho di Edukashon Merkado Laboral Hulanda Karibense). Esaki ta enserá ku nos empleadonan ta transferí nan konosementu i eksperensia na e studiantenan, di manera ku ta trein nan pa nan futuro profeshon. Durante nan stazje di práktika nos ta guia e studiantenan na un manera responsabel i yuda nan den desaroyo di kompetensianan i hasi nan konosí ku e sektor.

Por manda petishonnan pa stazje na e e-mailadres general di MHC: secretariaat@mentalhealthcaribbean.com. Nos lo apresiá di risibí un karta di motivashon i un CV.

Personal

Regularmente tin vakatura na Mental Health Caribbean, di un banda dor di entrada i salida di empleado, di otro banda dor di ekspanshon di aktividatnan. MHC ta duna importansia na sigui un prosedimentu diligentemente. Di e manera aki nos por sigurá nos mes di vinkulá e personanan korekto i di e manera korekto na MHC.

Den kuadro di esaki, MHC ta sigui e siguiente puntonan di salida:

  • Kandidatonan ku ta kumpli ku e eksigensianan di e funshon i ku ta bin di Karibe òf ku tin nan rais den Karibe tin preferensia.
  • Ta informá e solisitante na tempu tokante e prosedimentu ku tin ku sigui, e eventual medionan di selekshon (por ehèmpel un “assesment”), optené referensia, durashon di e periodo di solisitut etc.
  • Ta duna e solisitantenan tur informashon ku ta nesesario pa asina nan por haña un bista kompleto di e funshon.
  • E datonan ku e solisitante a duna nos òf ku nos a optené di dje lo keda konfidensial.
  • Si ta posibel, MHC ta informá e solisitante denter di 14 dia despues di risibí e aplikashon di solisitut, ku a rechasá e solisitut, ku ta invit’é pa un kombersashon òf ku ta wante e solisitut pa un tempu determiná.
  • Den kaso di rechaso ta destruí tur e informashonnan di e solisitante. Den kaso ku e solisitante duna pèrmit pa warda e datonan, lo hasi esaki pero pa no mas ku 6 luna.
  • Si e solisitante ta deseá esaki, e por pidi e motibu di e rechaso via di telefòn.
  • Pa por pidi referensia di e kandidato, ta rekerí eksplísitamente e pèrmit di e solisitante.

Stazje

Mental Health Caribbean tin interes den realisashon di luganan pa kore stazje for di punto di bista di reklutashon i selekshon di empleadonan nobo ku ya tin konosementu di kuido di adikshon i sikiatría.

Por manda solisitashon pa stazje na e manager òf direktor via e e-mail general di MHC, secretariaat@mentalhealthcaribbean.com. Wij ontvangen dan graag karta di motivashon i kuríkulo.

Personal

MHC tin regularmente vakatura den su organisashon, di un banda dor di empleadonan ku ta sali òf sigui den e organisashon i di otro banda dor di ampliashon di nos aktividatnan. Pa por haña e persona adekuá na e manera adekuá na e lugá adekuá, ta importante pa sigui un prosedimentu konsiensudamente.

MHC ta apliká den esaki e direktivanan tokante reklutashon i selekshon, manera estipulá den e cao Fundashon Mariadal (parti Statuut Sociaal Beleid).

Ta apliká e siguiente puntonan di salida:

• Den alokashon di kandidato, tantu interno komo eksterno, e kandidatonan interno ku ta bibá riba e islanan BES ku ta kumpli ku e eksihensianan di e funshon ta haña preferensha.
• Trahadonan sigun tin trabou, ku nos ta hasi uso di nan servisio basta tempu kaba, lo haña e oportunidat pa solisitá komo solisitante interno na ora ku surgi un vakatura pa un relashon laboral, ku preferensha riba kandidatonan eksterno.
• Den anunsio di personal lo duna informashon relevante tokante di e eksihensianan di e funshon, eksihensianan nesesario di edukashon i eksperiensha, struktura di e organisashon, indikashon di salario i posiblemente un investigashon sikológiko i di antesedente.
• E fundashon lo informá e solisitante si ta posibel denter di 14 dia despues di a risibí e solisitashon ku e ta rechasá òf ku e ta invitá pa un entrevista òf ku ta wanta e solisitashon pa un sierto periodo.
• Den e promé fase di e solisitashon lo traha áfsprak ku e solisitante tokante di e prosedimentu ku mester sigui, si ta aplikabel rekursonan di selekshon (investigashon sikológiko òf médiko), búskeda di informashon (referensha), durashon di e periodo di solisitashon i kompensashon di gastu.
• Lo suminstrá tur informashon ku ta nesesario pa e solisitantenan por forma un idea lo mas kompletu ku ta posibel di e funshon.
• Pa por buska informashon tokante di e solisitante serka terser partidonan ta rekerí konsentimentu ekspreso di e solisitante.
• Ora rechasá un solisitante, lo mand’é e motibu por eskrito ku e posibilidat pa duna splikashon oralmente.
• Tur informashon ku e solisitante a suminstrá òf ku a haña tokante di dje lo ke konfidensial. Lo warda datonan por eskrito di un solisitante komo máksimo 6 luna ku konsentimentu di e solisitante. Den kaso di rechaso di un solisitante, lo destruí si ta aplikabel e informe sikológiko i otro datonan por eskrito di e solisitante.