Polítika i Vishon

MHC ta hasi e diferensia                   

Nos ambishon ta pa drecha e kalidat di bida di e abitantenan di Hulanda Karibense. P’esei nos ta brinda tur hende – di grandi te chikí – kuido di salu mental di alto kalidat. Bon kuido pa nos ta nifiká ku no únikamente nos tin bista riba e salú i bienestar di e kliente, pero ku nos tin bista tambe riba e influensia di e otro áreanan di bida manera, trabou, bibienda i finansa. Tumando na kuenta ku kada un kliente ta úniko: nos ta brinda kuido personalisá. Mira nos balornan fundamental akinan.

Nos punto di salida ta, traha ambulante, ku un aserkamentu ku ta sostené rekuperashon i dirigí riba e nesesidat.  Nos ta adaptá nos na e situashon lokal i e nesesidatnan di kada isla. Nos ta traha intensivamente huntu ku nos sosionan di kadena i ta sostené otro. E esfuerso aki, huntu ku esun di e sernan kerí i e ekspertonan di eksperensia, ta pone ku nos klientenan por logra nan metanan.

Novadic-Kentron (NK) ta e orguyoso  “founding father” di MHC na aña na 2012, e tempu ei bou di e nòmber SVP-CN, Stichting Verslavingszorg & Psychiatrie Caribisch Nederland (Fundashon pa tratamentu di adikshon & Sikiátriko Hulanda karibense). Awor ku MHC a desaroyá su mes den un organisashon eksitoso i profeshonal, ku alrededor di 60 empleado, di kua mayoria ta lokal, maneho independiente ta e siguiente paso lógiko. Entrante 1 di mart 2018  a habri e union di personal ku NK, riba nivel di gerensia i di supervishon, for di otro. MHC a nombra su propio konseho di supervishon (RvT). Señora Jurenne Hooi a tuma e ròl  di e presidente di RVT i e señornan Theo de Kool i Don Olthof a uni nan mes komo miembro. Señor Erik Jansen  a keda apuntá komo direktor di e direktiva.

Mental Health Caribbean MHC ta eksistí for di 1 di yüni 2012 i el a nase for di transformashon i ampliashon di e fundashon anterior Verslavingszorg Bonaire. Ku motibu di un konseho formulá na 2011, riba petishon di Ministerio hulandes di Salubridat Públiko, Bienestar i Deporte (VWS), Novadic-Kentron a haña e enkargo pa ofresé i sigui desaroyá e kuido di adikshon i sikiatria na Boneiru, Sint Eustatius i Saba. Tur esaki den kolaborashon ku VU / AMC tokante stashonamentu di sikiaternan i basá riba e markonan di un kontrato ku e Ofisina di Seguro di Kuido Médiko (Zorgverzekeringskantoor) di Hulanda Karibense na Boneiru.