MHC tin diferente akuerdonan di koperashon, akuerdonan di sup-kontratashon, i órganonan konsultivo ku diferente instansianan na BES, CAS i Hulanda pa asina por garantisá e kalidat di kuido generalista.

Fundashon Mariadal

Fundashon Mariadal ta un institushon di kuido pa salú na Boneiru bou di kua e siguiente servisionan ta kai: e hospital “Hòspital San Francisco”, “Kas di Kuido” i e sentro di kuido (na kas) “Sentro di Salú Convent”; konhuntamente yamá: “Sentro di Kuido Fundashon Mariadal”. Bou di e “Sentro di Salú” ta kai: enfermeria den bario, pasadia pa grandinan na kas, kuido di partera i maternidat, kuido di salú hubenil i kuido di salú eskolar.

Pa mas informashon: www.fundashonmariadal.org

Geestelijke Gezondheidszorg (GGZ) Curaçao (Fundashon kuido pa salú mental Kòrsou)

Komo fundashon mama, e fundashon kuido pa salú mental Kòrsou (GGZ), ta responsabel pa garantisá e konsistensia den oferta di kuido di algun institushonnan di kuido ku ta aktivo riba e tereno di salú mental. GGZ Kòrsou ta manehá i sostené Fundashon Hospital Sikiátriko General, Dr David Ricardo Capriles “Klínika Capriles” Fundashon Sentro di sikiatria pa mucha i hóben “Yudaboyu”, Fundashon Sonrisa, pa bibienda protehá i bou di guia,  dagactiviteiten centrum (Sentro di pasadia) i Stichting Facilitair Bedrijf (Fundashon empresa fasilitario).

Pa mas informashon: www.ggz.cw/nl/

Fundashon pa Maneho di Adikshon

Fundashon pa Maneho di Adikshon ta e sentro di konosementu riba tereno di adikshon na Kòrsou. FMA ta kordiná tambe tur aktividat supsidiá relashoná ku kuido di adikshon na Kòrsou.  Esaki ta enserá tratamentu boluntario di adikshon, training, duna informashon i manehá e sentro di “kana drenta sin sita”.

Pa mas informashon: https://fma-curacao.com/

Federashon di kuido

Stichting Federatie Zorginstellingen (Fundashon Federashon di institushonnan di kuido), òf  Zorgfederatie (Federashon di kuido), ta un kolaborashon entre institushonnan di salubridat i bienestar na Kòrsou i Boneiru. E Federashon di kuido tin komo meta sirbi interes di su miembronan ku ta aktivo den kuido.

Pa mas informashon: www.zorgfederatie.com

Fundashon Krusada

Fundashon Krusada ta eksistí for di 1999 na Boneiru i a akumulá  konosementu i eksperensia amplio rònt di e problemátiko di adikshon riba e isla aki.  Un lugá kaminda ta traha kualitativamente na guia profeshonal, restorashon, prevenshon i desaroyo pa personanan ku ta eksperensiá desafio pa konektá ku komunidat i un lugá ku ta brinda oportunidatnan nobo den bida. Fundashon Krusada ya tin 20 aña aktivo na Boneiru pa tantu personanan individual komo pa famianan, vensé problemanan sosial dor di bolbe bek na e manera korekto den komunidat.

Pa mas informashon: www.fundashonkrusada.org

Mental Health Foundation SXM (Fundashon Salú Mental St. Maarten)

Mental Health Foundation ta e di dos linia di provedor di kuido pa salu mental(GGZ) na e parti  Hulandes di Sint Maarten i ta operashonal for di 2006. Pa medio di trabou den tim, Mental Health Foundation ta traha na realisashon di su ambishon, esta  brinda e mihó kuido sikiátriko ku e isla St. Maarten tin akseso na dje. E fundashon a pasa di un humilde komienso pa un sistema di kuido sikiátriko kompletamente desaroyá i establesé na St. Maarten i e islanan den bisindario, manera St. Eustatius, Saba i Anguilla.

Pa mas informashon: www.mhf-sxm.com

Novadic-Kentron (NK)

NK ta e eksperto den kuido di adikshon i siensia di adikshon na Brabant, Hulanda. Un organisashon dinámiko, ku empleadonan loyal, profeshonal i embolbí den e trabou. Ku establesimentunan den henter Brabant, NK ta tantu literal komo figurativamente serka di e kliente ku un aserkamentu personal, sea ku ta trata di prevenshon, tratamentu spesialisá òf di korto durashon òf kuido intensivo i guia.

Pa mas un informashon: www.novadic-kentron.nl

Fundashon Turning Point (Fundashon Punto di buèlta)

E fundashon Turning Point ta brinda tratamentu residensial pa problemanan di adikshon i ta disponibel 24-ora pa dia (inkluso wikènt i dianan di fiesta). Abitantenan di St. Eustatius ku tin únikamente  problema ku adikshon por hasi uso di nan servisionan di kuido riba un base boluntario.

Pa mas informashon: www.turningpointsxm.org

Justitiële Inrichting Caribisch Nederland (Instituto hudisial Hulanda Karibense)

E instituto hudisial Karibense, na nòmber di Minister di Hustisia i Seguridat, ta ehekutá kastigunan ku ta kita libertat i medidanan imponé den e veredikto di hues. E lokalidat di Boneiru ta fungi komo un lugá di detenshon pero tambe komo prizòn pa Boneiru, Sint Eustatius i Saba

Pa mas informashon: Phttps://www.rijksdienstcn.com/justitie-veiligheid/justitiele-inrichting-caribisch-nederland

Openbare Ministerie (OM) BES (Ministerio Públiko) BES

Ministerio Públiko ta para pa un uso hustu di un instrumento drástiko di gobièrnu. E Ministerio Públiko BES ta esun ku ta ehekutá esaki na Karibense.  Opviamente e ministerio Públiko di BES su enfoke ta riba un bon ehekushon di su mes tareanan, ta para pa un aserkamentu integral di seguridat riba e tres islanan i ta profeshonalisá kontinuamente.

Stichting Reclassering Caribisch Nederland (Fundashon Rehabilitashon Sosial Hulanda Karibense)

Fundashon rehabilitashon sosial ta komprometé su mes pa evitá i redusí komportashon kriminal.  Nos kier influensiá e komportashon di e kulpabel i sospechosonan na un manera positivo i tambe dominá e riesgonan. E komunidat tin derecho riba esaki. Nos ta konsehá, supervisá, organisá entrenamentu di komportashon i tambe supervisá e trabounan obligatorio imponé pa korte di hustisia. Esaki nos ta hasi na Boneiru, St. Eustatius i Saba.

Pa mas informashon: http://www.reclassering-cn.com/

Fundashon Kuido pa Personanan Desabilitá

FKPD ta un fundashon di kuido pa klientenan ku desabilidat mental di diferente edat. E ta alohá un sentro di aktividat, estadia pa sustitushon familiar(Gezinsvervangendtehuis, GVT) i ta organisá aktividatnan di pasadia.

Fundashon Cas Boneriano

FCB ta suministrá servisio sosial pa apoyá alohamentu. E pakete di tarea ta inkluí: elaborá plan di servisio huntu ku e kliente, apoyá, intermediá i vigilá e interesnan di e kliente.

Pa mas informashon: http://www.roacn.com/companies/fundashon-cas-bonairiano-fcb/

Fundashon FORMA

FORMA ta un sentro di formashon pa edukashon di adulto i enseñansa ku e meta pa brinda adultonan chèns di haña edukashon, formashon i/o enseñansa, di manera ku nan por haña un lugá

prominente den e merkado laboral. Banda di esaki ta informá i konsehá organisashonnan, instansianan i gobièrnunan tokante e situashon di e gruponan di enfoke.

Pa mas informashon: http://www.fundashonforma.com/

Kuerponan públiko di islanan BES

E kuerponan públiko di Saba, St. Eustatius i Boneiru ta enkargá ku e tareanan amplio den e dominio  sosial. Aki bou ta kai: tareanan hurídiko, pero tambe áreanan di maneho den kual mester sigui desaroyá mas profundidat i ehekushon, prinsipalmente pa loke ta trata e temanan: desaroyo ekonómiko, kombate di pobresa, derecho di mucha i kuido i bienestar. Ku regularidat ta traha den kolaborashon ku IWO,  Integrale Wijkontwikkeling (Desaroyo Integral di Bario).

Pa mas informashon di  Bonaire: http://bonairegov.nl/nl/zorg-en-welzijn/welzijn

Pa mas informashon di Saba: http://www.sabagovernment.com/

Pa mas informashon di St. Eustatius: http://www.statiagovernment.com/

Korps Politie Caribisch Nederland, KPCN (Kuerpo di polis Hulanda Karibense)

Alerta, servisial, desidido i profeshonal. Polis, Brantwer, Ambulans: 911, liña di tip pa Polis: 717-7251.

Pa mas informashon: https://www.politiecn.com/

Grupo Kuido i Bienestar

Grupo Kuido i Bienestar, ántes Fundashon Kuido pa Bista i Oido (FKBO) ta brinda apoyo sosial na Boneiru (Maatschappelijke Ondersteuning, MBO) den forma di servisio di kuminda, adaptashonnan na bibienda, transporte i tareanan diario general.

Pa mas informashon: https://www.zwgroep.org/

Mucha & Hóben

Hunta di direktiva Hubentut Boneiru

MHC ta miembro di e hunta di direktiva Hubentut Boneiru. E hunta di direktiva Hubentut Boneiru ta konsistí ademas di e siguiente organisashonnan: Jeugdzorg en Gezinsvoogdij Caribisch Nederland, JGCN (Kuido Hubenil i Kustodia familiar Hulanda Karibense), Expertisecenter Onderwijs Zorg, EOZ (Sentro di Ekspertisio Kuido di Enseñansa), Directie Samenleving en Zorg van het Openbaar Lichaam Bonaire, OLB (Direktorado Komunidat i Kuido di e Órgano Públiko Boneiru), Voogdijraad (Konseho di tutela) i Centrum voor Jeugd en Gezin, CJG (Sentro pa hubentut i famia).

Kuido Hubenil i Kustodia familiar Hulanda Karibense

Kuido Hubenil i Kustodia familiar Hulanda Karibense ta esun responsabel pa asistensia ambulante riba e islanan BES,  kuido di yunan di kriansa, kuido residensial i kustodia familiar pa mayornan i muchanan ku problema di komportashon i kresementu. Na Boneiru tin 3 komponente di JGCN presente: Servisio ambulante, kuido residensial i kustodia familiar.

Pa mas informashon: https://www.rijksdienstcn.com/overige-diensten/jeugdzorg-gezinsvoogdij

Sentro pa Hubentut i Famia (SHIF)

E sentro di Hubentut i famia (CJG) ta keda den e sentro di Kralendijk, Boneiru. CJG ta e promé punto di kontakto di asistensia pa hóben. E CJG ta konsistí di 2 departamento: atenshon pa salú hubenil i sosten pa mayornan. Pa medio di e Sentro pa Hubentut i Famia i di programanan di tempu liber ta traha na kuido preventivo. Pa situashonnan kaminda e desaroyo di e muchanan ta na peliger, ta brinda kuido kurativo.

Expertisecenter Onderwijs en Zorg (Sentro di Ekspertisio kuido di Enseñansa)

E tarea di e sentro di Ekspertisio Kuido di Enseñansa (EOZ) na Boneiru ta brinda sosten i guia na alumno i studiantenan ku dor di problemanan di siñamentu, sosial-emoshonal i/òf di komportashon ta kore peliger di pega den enseñansa. Ta trata aki di brinda kuido adishonal na e kuido ku e skol ta dunando.

Pa mas informashon: www.eoz-bonaire.org

Voogdijraad CN (Konseho di tutor)

Den kaso ku tin preokupashon pa loke ta trata e situashon di kresementu i edukashon di un mucha/hóben entre 0 te 18 aña, ta konsultá e konseho di tutor òf entrega nan e kaso. E konseho di tutor ta sali na vanguardia di e muchanan aki dor di analisá nan situashon (familiar) i duna konseho tokante di kiko ta e mihó solushon pa e mucha. E interes di e mucha ta para sentral den tur aktividat di e konseho di tutor.

Pa mas informashon: https://www.rijksdienstcn.com/voogdijraad/over-de-voogdijraad

Stichting Project  (Fundashon Proyekto)

E sentro ortopedagogiko Stichting Project ta guia i trata hóbennan ku problema ku òf trastorno pa sosialisá. Tantu ‘Kas di Karkó’ i e Langverblijfhuis (kas pa permanensia largu) ta kai bou di e fundashon aki. Kas di Karkó ta e nòmber di e alohamentu kaminda hóbennan ku no tin e posibilidat pa biba serka un famia (di kriansa), ta hospedá.

Pa mas informashon: http://www.stichtingproject.com/nl/

Kas pa Hóben ku Futuro (Rosa di Sharon)

E institushon di kuido Rosa di Sharon na Boneiru ta brinda, basá riba prinsipionan kristian un sentro di bibienda protehá bou di e nòmber Kas pa Hóben ku Futuro (KHF), kaminda 24 ora pa dia tin guia pa sostené rekuperashon na mucha muhénan ku problema di komportashon, entre 14 te 20 aña. Banda di esaki ta duna asesoramentu pedagógiko familiar.