Saba

Saba

Saba ta e isla habitá di mas chikitu di e teritorio insular ku ántes tabata Antia Hulandes y ku awor ta un ‘bijzondere gemeente’ di Hulanda. Saba ta situá mas o ménos 30 kilometer sùitwèst di Sint-Maarten. E tin un diameter di 4,5 kilometer i un superfisie di 13 km². Saba ta konsistí di un volkan na soño ku kuater kupel di lava. E bahadanan ta kasi e bahadanan vertikal ta forma kasi 90 grado ku laman ku laman i e kosta ta yen di baranka. E volkan Mount Scenery, ku su altura di 877 meter, ta e punto di mas altu di e isla i di henter Reino Hulandes. Saba tin mas o ménos 1400 habitante i mayoria ta biba den e kapital The Bottom. E beinam di Saba ta ‘The unspoiled queen’. Saba ta biba di turismo i for di 1988 e tin un fakultat di medisina, Saba University School of Medicine, ku ta risibí hopi studiante for di Merka.

Historia

Na aña 1493 Christobal Colón a opservá e isla Saba, tempu ku e Caribs i Arawak tabata biba riba e isla. Colón a yama e isla San Cristóbal. Un posibel splikashon pa e nòmber Saba ta ku tabata abreviá e nòmber komo S.†bal i ku tabata les’é komo Saba. Na aña 1632 Saba a wordu kolonisá door di hulandes. Na aña 1635 un barku ingles a noufragá serka di Saba i e sobrebibientenan tabata probablemente e promé habitantenan europeo. E poblashon di Saba ta desendé di diferente rasa entre nan katibu afrikano, hende di Eskosia, Irlanda i Zelandia. Kurioso ta ku un kuart di e habitantenan di Saba yama Johnson òf Hassell. Saba a pasa den diferente man di kolonisadornan. E tabata poseshon di Fransia, Spaña, Hulanda i Reino Uní di Gran Bretania, pa keda definitivamente den man di Hulanda na aña 1816. Na aña 1960 a konstruí un aeropuerto chikí na e punta nort di Saba (Flat Point), i esaki tin e pista di aterisahe pa tráfiko aéreo komersial mas chikitu di mundu (400 meter).

Ekonomia

Ku alrededor di 25.000 bishitante pa aña, e sektor turístiko ta kontribuí mas na e ekonomia di e isla ku kualke otro sektor. Saba tin algun posada, hotèl, kas pa hür i restorant. Saba ta konosí komo e “unspoiled Queen”(e reina vírgen) di Karibe. Saba ta prinsipalmente konosí pa su eko turismo, ku sitionan eksepshonal pa sambuyá, subi i keiru. Saba ta biba di turismo i for di 1988  ku e fakultat médiko, Saba University School òf Medicine (Universidat  Skol di medisina di Saba) a bin riba e isla, e ta atraé hopi studiante for di Estado Unídos.

Bandera di Saba

E bandera di Saba ta konsistí di koló kòrá, blanku, blou i oro (hel). E parti ariba tin dos triángulo kòrá mes grandi ku ta kubri e dos puntanan parti ariba di e bandera; e parti abou tin dos triángulo blou mes grandi ku ta kubri e puntanan parti abou. E forma di djamanta meimei ta blanku i e tin un strea di oro di sinku punta. A skohe e koló aki pa simbolisá rikesa di e isla i e speransa pa un bon futuro. E strea ta representá e isla i e kolónan kòrá, blanku i blou ta simbolisá e konekshon ku Hulanda. E koló kòrá ta simbolisá tambe kurashi, union i forsa, miéntras ku blanku ta pa pas i blou pa laman.