Hunta di supervishon
Presidente:
Dr. Jurenne D. Hooi ta te 1 aprel 2018 direktor direktiva di MaDi na Amsterdam, tambe fundadó di e Operashon di Servisio na Kliente na MaDi i e metodologia eksitoso ‘Pop Up Your Life !‘. E ta un persona multi fasétiko ku eksperensia amplio den maneho, inovashon i investigashon. E ta konosí komo un persona ku ta traha den ekipo, komprometé i un konstruktor ku un ret grandi di kontakto. Banda di esakinan e tin un bista i análisis kla i skèrpi riba problema kompleho i sa di duna solushon práktiko pa esakinan. Den su trabou e ta un persona dirigí riba prestashon i ta bini ku solushon, sin pèrdè for di bista e relashon polítiko gubernamental. E ta papia ku regularidat den públiko i sa kon pa laga su públiko fasiná pa medio di su aktitut entusiasta i kontenido di kalidat.
Nombrá: for di 2018. Segundo periodo di nombramentu, 1 mart 2021 (pa 4 aña).
Miembronan di hunta di supervishon:
Don Olthof
Don Olthof (1957) ta un sikólogo spesialisá riba kultura i ta presidente di e programa Zinnige Zorg GGZ na e Insituto di Kuido Hulanda. Te aña 2017 el a fungi pa un periodo largu komo presidente di direktiva di Iris Zorg, un instansia pa GGZ/kuido pa adikto i akohida sosial na Gelderland i Overijssel. For di e funshon akí el a ehersé diferente funshon regional i nashonal, manera presidensia di Fundashon SPON (instituto pa estudio post doktoral pa sikologia, sikologia klíniko i sikoterapeuta na Radboud Universiteit Nijmegen) tambe di Stichting Resultaten Scoren, Sentro di konosementu nashonal pa siensia di adikshon. E ta presidente di Fundashon TOP Opleidingsplaatsen i dosente pa e Maestria den Adikshon Medisinal (MIAM).
Nombrá: for di 2018. Segundo periodo di nombramentu, 1 sèptèmber 2021 (pa 4 aña).
Theo de Kool
Theo de Kool (1964) ta un ekónomo empresarial i registeraccountant. E ta biba for di 1994 na Aruba i ta ehekutá aya diferente funshon di maneho finansiero. E tabata entre otro Chief Financial Officer di Aruba Airport Authority N.V. i Kontroladó interino di e Organo di Ehekushon General di seguro di malesa (Uitvoeringsorgaan Algemene Ziektekostenverzekering). For di aña 2010 e ta miembro di hunta di maneho di hospital Dr. Horacio E. Oduber na Aruba, enkargá ku e portafolio di maneho operashonal. For di e funshon akí e ta ko-inisiadó di diferente proyekto pa mihó integrashon di e kadena di kuido; manera lanta transmural di kuido pa diabetis i un trayekto pa harmonisashon di e sistema di informashon di kuido na Aruba, di manera ku ta bira posibel pa kompartí informashon di pashènt. E ta un persona ku ta pensa i aktua dirigí riba solushon, pragmátiko i íntegro, ku atenshon partikularmente na salvaguardá bon gobernashon den un organisashon sosial den un sosiedat chikí.
Nombrá: for di 2018. Segundo periodo di nombramentu, 1 mart 2022 (pa 4 aña).
Giullitta Anthony
Giullitta Anthony
Giullitta Anthony, mitar surinameño/mitar curazoleño, ta un sikólogo di salú mental. El’a biba, studia y traha na Hulanda pa añanan largo. Na 2019 ela regresa e islanan y prome a traha na Aruba na Respaldo y despues na Curacao na Klinika Capriles. For di òktober 2023 e tin su propio práktika di Kuraterapia i ta traha online pa 2 kompania hulandes (SGGZ i BGGZ). Tambe e ta traha un programa di radio na Papiamentu pa kita e stigma riba tópikonan di salú mental i e ta traha komo supervisor pa sikólogonan (apliká). E ta nobo komo miembro di Hunta di Supervishon, pero e ta ansioso pa siña hopi.
Nombra: òktober 2023 pa 4 aña.
Gerald Simmons – de Jong
Gerald Simmons – de Jong
Gerald Simmons – de Jong ta biba i traha na Hulanda Karibense. Na 2023 ofisialmente el a habri su mes bufete di abogado dia na Saba, e munisipio spesial di mas chikitu na Hulanda ku solamente 2.000 habitante, i e ta e hues komisario den kasonan penal riba e isla pa mas ku seis aña. Gerald tambe ta un kandidato eksterno pa PhD na Universidat di Curaçao – Da Costa Gomez riba tereno di supervishon inter-administrativo, i ta sinta den vários direktiva.
Gerald a nase na Djakarta, Indonesia, i a lanta na Spijkenisse, Hulanda. El a terminá su Masters in Business Law na Rotterdam na Erasmus School of Law i eventualmente a terminá den Karibe, kaminda e tin un kunuku di kabritu i galiña huntu ku su kasá Justin Simmons – de Jong na Saba. Gerald a spesialisá den derecho atministrativo i derecho privá durante e último dies (10) añanan. Su ofisina ta manehá un práktika komersial general ku klientenan riba tur diferente isla.
Nombra: òktober 2023 pa 4 aña.