Adikshon

Adikshon

Na momentu ku ta trata di problemanan ku adikshon por hasi un apelashon riba e ekspertisio spesífiko ku MHC ta ofresé pa esakinan. Nos punto di salida ta traha ambulante, ku un aserkamentu dirigí riba e nesesidat i ku ta sostené rekuperashon.

Grupo di enfoke 
MHC por trata adultonan ku tin kehonan relashoná ku dependensia na supstansianan. E por tin ke ber ku problemanan ku ta reflehá riba nan funshonamentu diario a konsekuensia di uso di alkohòl- òf droga, gèmbelmentu òf otro komportashon adiktivo, manera gaming. Òf na momentu ku un hende ta sinti ku e no tin sufisiente kontrol mas riba su uso di supstansia òf riba un kustumber adiktivo. Banda di esaki MHC tei tambe pa duna tratamentu i asistensia na hendenan ku tin problema ku adikshon pa hopi tempu kaba i ku esaki ta bai kompañá ku problemanan síkiko i sikiátriko severo, impedimentu mental leve òf problemanan ku hustisia.

Semper papia ku e dòkter di kas promé tokante di e kehonan i eventualmente pidié pa un referensia.

Kiko nos ta hasi? 

Den tur kaso por akudí na MHC pa un tratamentu personalisá, ku por varia di algun konsulta ku un sikólogo òf sigui un training spesífiko, te ku un tratamentu riba término largu, asistensia di un atministradó di kaso i konsulta serka un sikiater. Por lo general ta rekoré 3 fase:

Den e fase di atmishon ta spesifiká e nesesidat di kuido. Esaki ta bai den konsulta ku e terapeuta i den sierto kasonan tambe ku e sikiater. Nos ta papia tokante di e motibu di bo aplikashon, eventual diagnóstikonan eksistente i tambe di bo espektativanan pa ku e tratamentu.

Den e fase di tratamentu ta traha konhuntamente na un plan di tratamentu. Den e plan di tratamentu ta elaborá kon e tratamentu i guia ta bai tuma lugá. Esaki por varia di un konsulta ku un sikólogo te ku un tratamentu mas ekstenso (manera EMDR òf CGT) i konsultanan ku un sikiater.

Den e fase final ta traha prinsipalmente na prevenshon di rekaida. Esaki ta nifiká ku di un manera konstruktivo ta bai wak kon pa prevení rekaida.

Registrashon
Semper mester di un referensia di e dòkter di kas pa por risibí tratamentu (karta di referensia standart).

Lokalidat i informashon di kontakto
Wak e informashonnan tokante di direkshon di e diferente lokalidatnan aki bou.

Pa mas informashon lesa e página Kuido di Adulto.