Sentro Nos Perseveransia

Sentro Nos Perseveransia

Sentro ‘Nos Perseveransia’ (ántes Woontraining) for di 2013 ta operashonal komo parti di e tratamentu di Mental Health Carribean na Boneiru, kaminda ta brinda diferente servisionan di kuido pa asina por duna kuido dirigí riba rekuperashon. E servisionan aki ta inkluí: alohamentu temporal dirigí riba siña abilidatnan residensial i sosial, desintoksikashon, guia den ambiente propio (asistensia ambulatorio), aktividatnan diario i guia laboral kaminda ta traha pa logra e forma mas haltu alkansabel di independensia.

Grupo di enfoke
Sentro Nos Perseveransia ta brinda guia na adultonan ku:

• problemanan di adikshon (ku deskapasidat mental leve) i/o
• problemanan sikiátriko (ku deskapasidat mental leve)

Guia
Tur aktividat di guia ku e sentro ta ofresé ta dirigí riba rekuperashon sosial, empoderamentu i kombertí nan mes eksperensia i di otronan den konosementu, di manera ku e partisipantenan por funshoná satisfaktoriomente den e ambiente di nan eskoho, no opstante nan limitashonnan temporal òf permanente.

Kiko nos ta hasi?
Konhuntamente ku e partisipante, ta hinka un programa individual den otro. Di un banda e programa aki ta dirigí riba trabou di kas, kuido personal i konstruí struktura i di otro banda e ta dirigí riba aktividatnan (kreativo) pa pasa dia/relahá òf orientashon laboral.

Ta sostené e programa pa medio di un plan di apoyo, plan di tratamentu i un plan di alerta, diseñá  huntu ku e partisipante i su sistema. Algun di e tópikonan ku lo trata ta: Bibienda, finansa, funshonamentu sosial, funshonamentu físiko i tambe e intenshon di esakinan.

E sentro tin komo meta siña e partisipantenan abilidatnan komunikativo i sosial práktiko. Standart den e programa di supervishon (di bibienda) ta trata e siguiente tópikonan: presupuestá, pasadia, sosten laboral i prevenshon di rekaida. E partisipantenan ta sali, ku un fundeshi sólido i ekipá ku diferente palanka pa sigui tene na dje i bai na un lugá (residensia) adekuá pa nan den komunidat.

Dikon?
Problemanan sikiátriko i/o di adikshon ta konektá ku problemanan den otro áreanan di bida. Komo konsekuensia di falta di abilidat, marginashon òf un kombinashon di tur dos, tin hopi partisipante ku no ta sufisiente kapas pa keda riba pia den nan mes ambiente di bida. Pa e motibu aki un bon situashon di bibienda ta hopi importante, pa por hiba un bida independiente i stabil. Un gran parti di e partisipantenan ta para habri pa kuido solamente si ta proveé e nesesidat esensial aki. Pa por logra esaki kolaborashon ku sosionan eksterno ta apsolutamente nesesario.

Rekuperashon sosial ta kuminsá asina un plan di sosten keda elaborá i e partisipante ta kapas pa huntu ku su guia di bibienda (woonbegeleider), traha riba un plan dirigí riba fomento di rekuperashon. E guia ta brinda un sistema deliñá di aktividatnan, ku ta yuda e partisipante desaroyá e abilidatnan nesesario pa por funshoná mas independiente ku ta posibel òf funshoná den un ambiente protehé. Ta apuntá un manehadó di kaso dor ku mester manehá e faktornan interno  i eksterno na e manera korekto.

Saliendo for di e punto di bista di e outonomia di e partisipante, sentro “Nos Perseveransia” ta dirigí su mes riba aktivá e potensialnan di e partisipante. Ta atendé e nesesidat di kuido di e partisipante i su sistema di sosten den e diferente fasetanan di e proseso di asistensia. E nesesidat di kuido individual di e partisipante tambe ta un punto di salida. Por kontestá e nesesidat aki ku un oferta di grupo den kaso ku e proseso di grupo ta aportá na e proseso di siñamentu. Dependiendo di e potensialnan di e partisipantenan e guia (di bibienda) ta varia di un kuido ekstremadamente mínimo te ku un kuido intensivo, di kuido preventivo te ku kuido protektivo.

Registrashon
E registrashon pa por risibí guia na sentro “Nos Perseveransia” semper ta kore via di e tim di F-ACT, volwassenen zorg (Kuido pa adulto).

Direkshon i datonan di kontakto
Sentro Nos Perseveransia
Kaya tanki matrimonio #30 i 32
Jato Baco
Telefòn: +599 717 0125 (despues di e menú di skohe lenguahe, #3 pa SNP).