Famia i ambiente

Nos tur ta biba den relashon ku e hendenan rònt di nos, manera: nos famia, kolega, e bario kaminda nos ta biba, etc. Pa e profeshonalnan di MHC ta importante inkluí e sistema di relashon relashoná ku e kliente. Studiando e konekshon akí nos por haña un idea mas kompleto di e problemanan ku un hende tin, pero tambe den kua direkshon por haña solushon. Famia i amigu por hunga un papel importante den tratamentu di un kliente i resolushon di krísis. Naturalmente nos ta tene nos na e prinsipionan profeshonal manera bo por spera di un profeshonal den kuido i semper lo konsultá ku e kliente i hendenan relashoná kuné tokante di un posibel tratamentu.

Loke ta uni nos, i boso komo famia i amigu, ta e pashon pa yuda hende den problema sikológiko na e mihó manera posibel. Tuma kontakto ku nos semper si bo ta preokupá ku algu.