Prevenshon

Prevenshon: kiko nos ta hasi?

E meta di prevenshon ta evitá ku hende ta kai den problema dor di uso di stimulante, hunga games i hunga plaka. Nos tei pa e públiko general i nos ta traha pa ik ku hóbennan i nan mayornan. Tambe nos ta dirigí nos mes riba profeshonalnan.

Nos aktividatnan i proyektonan

Bo ke sa mas tokante di lo kual nos por hasi pa bo? Tuma kontakto ku nos! Mas abou bo por lesa mas tokante di lo ken os ta ofresé.

Fomento di salú lokal

Riba enkargo di e Kuerpo públiko di Boneiru nos ta ofresé aktividatnan di prevenshon pa informá hende tokante di e riesgonan di salú di uso di stimulante. E meta di esaki ta pa krea un toma di konsenshi den e poblashonpa redusí e uso eksesivo di stimulante.

Fomento di perisia

Pa medio di konseho, informashon i training na profeshonal i boluntario, nos por kubri vários aspekto pa redusí komportashon riskante i uso riskante di stimulante.

Uso di alkohòl i droga bou di hóbennan

Nos ta paga hopi atenshon na uso di alkohòl i droga bou di hóbennan. Nos enfoke ta riba dunamentu di informashon na hóbennan na e lugánan kaminda nan ta, manera sentro di bario, misa i skol.

Prevenshon pa medio di ‘outreach’
Ku prevenshon pa medio di ‘outreach’ nos ta aserká aktivamente grupo di hóbennan (di riesgo) ku hopi biaha ta wòrdu konsiderá komo difisil i sin motivashon. Hóbennan di riesgo ta hóbennan ku pa kousa di nan uso di stimulante ta haña problema den por lo ménos dos di e kuater áreanan di bida, skol, trabou, famia i tempu liber, i ku ademas ta demostrá trastorno di kondukta i relashoná ku esei komportashon riskante.

Den e área aki nos tin e siguiente aktividatnan:

•InformasonCampagne
•Partisipashon den strukturanan di kuido, komo ekipo di asesoramentu di kuido i diálogo ku hóbennan
•Diálogo di informashon i konseho
•Guiansa pa kuido
•Asesoramentu tokante di polítika di (moderashon di) alkohòl i droga
•Informashon i training na diferente kompania
•Aktividatnan pa duna di informashon, manera Makubeken na Rincon den kolaborashon ku e pastor di Rincon
•Kampaña pa públiko

Investigashon di kampo

Investigashon di uso di droga na Boneiru.

Asesoramentu di maneho

Ademas di e aktividatnan i proyektonan menshoná, nos ta asistí munisipionan, skolnan, asosiashonnan i institushonnan ku skibi i ankra nan polítika tokante di stimulante den nan organisashon.