Adulto (F-ACT)

Adulto (F-ACT)

MHC ta ofresé kuido personalisá pa e skala amplio di problema divergente síkiko i sikiátriko.

Pa tratamentu di keho síkiko singular, manera miedu òf depreshon, nos ta traha huntu ku sikólogonan independientemente establesé riba e isla. Ta referí e kliente na nan pa duna e kuido adekuá.

Ora ta trata di problemátika síkiko òf sikiátriko i/òf problema di adikshon ku ta impliká tratamentu mas intensivo òf kuido pa un tempu largu, ta hasi uso di un ekipo multi-disiplinario F-ACT. E konsepto F-ACT ta nifiká: Flexible Assertive Community Treatment. E karakterístikanan di mas importante di e tratamentu ta:

  • Ta asistí klientenan pa nan por haña mas kontrol riba nan bida, loke nan ke logra, redukshon di nan kehonan i organisashon di yudansa práktiko den bida diario. Pa logra esaki ta traha intensivamente huntu ku otro institushon sosial.
  • Ta involukrá famia i amigu den kuido di e kliente.
  • Si ta nesesario, ta bishitá kliente den nan mes ambiente (kuido ‘outreach’).
  • Por subi intensidat di e kuido konsiderablemente si esaki ta nesesario. (E ekipo di kuido ta responsabel pa mantené e kontakto.)
  • Tin un disponibilidat di 24 ora pa dia 7 dia pa siman.

E ekipo F-ACT ta ofresé banda di esaki konsulta di sosten na kolaboradó i sistemanan relashoná ku e kliente.