Prevenshon

Prevenshon: kiko nos ta hasi?
E meta di prevenshon ta pa evitá ku hende ta kai den problema pa motibu di uso di stimulante, hunga wega di vidio i hunga plaka. Nos tei pa públiko general i nos ta traha pa i ku hóben i nan mayor. Tambe nos ta dirigí riba profeshonal.

Nos aktividatnan i proyektonan
Bo ke sa mas tokante di loke nos por hasi pa bo? Tuma kontakto ku nos! Mas abou bo por lesa mas tokante di loke nos ta ofresé.

Fomentá salú lokal
Riba enkargo di e órgano públiko di Boneiru nos ta ofresé aktividat di prevenshon pa informá hende tokante di e riesgonan di salú na momentu ku hasi uso di stimulante. Meta di esaki ta pa krea un konsenshi den e poblashon i asina redusí e uso eksesivo di stimulante.

Fomento di perisia
Pa medio di konseho, informashon i entrenamentu na profeshonal i boluntario, nos por kubri vários aspekto pa redusí komportashon di riesgo i uso riesgoso di stimulante.

Uso di alkohòl i droga bou di hóben
Nos ta pone hopi atenshon na uso di alkohòl i droga bou di hóben. Nos enfoke ta riba duna informashon na hóben kaminda nan ta, por ehèmpel na sentro di bario, misa, skol, etc.

Prevenshon pa medio di ‘outreach’
Ku prevenshon pa medio di ‘outreach’ nos ta aserká aktivamente grupo di hóben (di riesgo) ku hopi biaha ta konsiderá komo difísil i sin motivashon. Hóbennan di riesgo ta hóben ku pa kousa di nan uso di stimulante ta haña nan ku problema den por lo ménos dos di e kuater áreanan di bida: skol, trabou, famia i tempu liber, i inkluso ta demostrá trastorno di kondukta i huntu ku esaki un komportashon di riesgo.

Den e área aki nos tin e siguiente aktividatnan:

• Kampaña di informashon•Partisipashon den strukturanan di kuido, komo ekipo di asesoramentu di kuido i diálogo ku e hóbennan
•Diálogo di informashon i konseho
•Guia pa kuido
•Asesoramentu tokante di polítika di (moderashon di) alkohòl i droga
•Informashon i entrenamentu na diferente kompania
•Aktividatnan pa duna di informashon, manera Makubeken na Rincon den kolaborashon ku e pastor di Rincon
•Kampaña pa públiko

Investigashon di kampo
Investigashon di uso di droga na Boneiru.

Asesoramentu di maneho
Ademas di e aktividatnan i proyektonan menshoná, nos ta asistí munisipio, skol, asosiashon i institushon ku ta skirbi i ankra nan polítika tokante di stimulante den nan organisashon.