Polítika i Vishon

Mental Health Caribbean MHC ta eksistí for di 1 di yüni 2012 i el a nase for di transformashon i ampliashon di e fundashon anterior Verslavingszorg Bonaire. Ku motibu di un konseho formulá na 2011, riba petishon di Ministerio hulandes di Salubridat Públiko, Bienestar i Deporte (VWS), Novadic-Kentron a haña e enkargo pa ofresé i sigui desaroyá e kuido di adikshon i sikiatria na Boneiru, Sint Eustatius i Saba. Tur esaki den kolaborashon ku VU / AMC tokante stashonamentu di sikiaternan i basá riba e markonan di un kontrato ku e Ofisina di Seguro di Kuido Médiko (Zorgverzekeringskantoor) di Hulanda Karibense na Boneiru.

E meta di MHC ta un desaroyo kontinuo i mehora di kalidat di relashon entre e kuido di adikson i sikiatria na Boneiru, Sint Eustatius i Saba.

E puntonan di salida ta:
• Mehora di e kalidat di bida di e klientenan i nan famia
• E tratamentu i aserkamentu integral di kliente tin un valor ekonómiko superior kompará ku e oferta di kuido fragmentá
• Redukshon di molèster den e impreshon diario di kaya

MHC ta ofresé den kolaborashon ku mas o menos 60 empleado, mayoria di nan lokal, henter e spektro di kuido mental na Hulanda Karibense. Nos ta traha prinsipalmente di manera ambulante den kolaborashon intensivo ku un sistema di apoyo formal i informal. Di problemátika singular leve te kuido grave i kompleho. E ekipo na Boneiru a risibí entretantu e marka di kalidat F-ACT di e fundashon Stichting Centrum Certificering ACT en F-ACT (CCAF) den 2014 i 2017. E empleadonan na Islariba tambe ta traha mas tantu ku ta posibel ku e puntonan di salida di F-ACT i den esei nan ta kolaborá ku koleganan na Sint Maarten.

Ku e estilo di traha aki MHC ta logra limitá uso di kuido klíniko. Esaki ta hopi importante, pasobra no tin hopi posibilidat pa hospitalisashon riba e islanan. Ora un kliente mester di kuido klíniko, mester manda e kliente un otro pais manera Korsou, Aruba, St. Maarten òf asta Hulanda. Esaki no ta solamente karu, pero ademas e ta saka e klientenan kompletamente for di su propio bida.