Tokante MHC

Mental Health Caribbean (MHC) ta organisá pa enkargo di Ofisina di Seguro di Kuido Hulanda Karibense (Zorgverzekeringskantoor Caribisch Nederland) e kuido sikiátriko i kuido di adikshon pa e islanan ku for di 10-10-10 ta kai bou di Hulanda, ku ta Boneiru, Saba i Sint Eustatius.

Nos ta ofresé prinsipalmente kuido ambulante (intensivo) i solamente den kasonan impresidibel ta hasi uso di atmishon klíniko den e PAAZ di Aruba, Sint Maarten òf Korsou. MHC ta traha ku dos ekipo: un ekipo pa Saba i Sint Eustatius i un ekipo ta traha for di Boneiru. Banda di kuido ambulante pa adulto, MHC ta ofresé ademas apoyo i kuido pa mucha i hóben, tratamentu diario, kuido forense i asistensia na bibienda. Den kordinashon ku e Órganonan públiko di Sint Eustatius i Boneiru, MHC ta ehekutá ademas tareanan di prevenshon.

MHC tin den su servisio personal di diferente disiplina manera personal di enfermeria sikiátriko, enfermeria sikiátriko sosial, sikólogo (di mucha i hóben), sikiater (di mucha i hóben), asistente sosial, guia di aktividat, asistente pa asistensia na bibienda, personal di prevenshon i asistente di kuido forense. MHC ta un fundashon independiente ku ta establesé statutariamente na Boneiru.