Asistensia na bibienda

Asistensia na bibienda

Pa medio di asistensia na bibienda (woontraining) nos ta ofresé guia na persona ku problema sikiátriko i/òf di adikshon. E asistensia ta enfoká riba rekuperashon sosial pa e kliente por funshoná satisfaktoriamente den e ambiente ku el a skohe, a pesar di su limitashonnan temporal òf permanente.

Nos ta traha pa yega na e forma mas óptimo di biba independientemente ku yudansa profeshonal kaminda ta nesesario. Esaki ta konta tantu pa e grupo meta ku por resosialisá, komo e grupo meta ku ta aspirá pa stabilidat i un manera di biba mas independiente posibel.

Pa por ofresé e asistensia akí, MHC ta disponé di algun kas. Pa e kliente por hasi uso di e kasnan akí pa asistensia na bibienda, ta nesesario pa MHC hür kas di diferente korporashon di bibienda. MHC ta laga e kliente biba den un di e bibiendanan bou di e kondishon estrikto ku e por biba ei solamente si e aseptá e asistensia. Pa garantisá esaki lo sera un akuerdo di habitante ku e kliente, kompañá pa e reglanan di kas i un plan di asistensia individual.

Vishon

Problema di adikshon tin laso ku problema den otro área di bida. Pa motibu di falta di kapasidat, marginalisashon òf un kombinashon di tur dos, hopi kliente no ta kapas di keda pará riba pia den nan mes ambiente. Pa por biba un bida independiente i stabil ta importante tin un bon situashon di biba. Gran parti di kliente no ta kla pa risibí kuido promé ku a proveé nan den e nesesidat vital i esensial akí. Pa e motibu akí asistensia na bibienda mester por usa diferente tipo di bibienda, kual ta impresindibel pa kolaborá ku partnernan eksterno.

Rekuperashon sosial ta kuminsá na e momentu ku e komishon di indikashon redaktá un plan di kuido i e kliente ta kapas di traha den forma progresivo ku e asistente di bibienda. Asistensia na bibienda ta ofresé un sistema deliniá pa aktividat ku ta yuda e kliente desaroyá e kapasidatnan nesesario pa por biba independientemente den un ambiente proteha. Asistensia na bibienda mester ta un módulo apart den e plan di kuido. Durante di un tratamentu indiká ta realisá e módulo komo un trayekto paralelo i lo/por konektá esaki ku otro aktividatnan. Den algun kaso por ta deseabel pa asigná asistente di kaso (case managers), komo ku mester sòru pa e faktornan interno i eksterno kana bon.

Asistensia na bibienda ta basá riba e posibilidatnan di e kliente, i ta enfoká riba aktivá e posibilidatnan di e kliente. Nos ta yuda kliente den nan nesesidat di kuido, i e personanan serka di nan den e diferente fasenan di e proseso di ayuda. Semper ta sali for di e demanda individual di kuido di e kliente. Ta posibel pa kontestá e demanda akí ku un solushon den grupo si e proseso den grupo ta kontribuí na e proseso di desaroyo. Kliente ku (ainda) no ta kapas di traha un reda sosial nan mes, tin biaha por funshoná mihó den un bibienda den grupo. E asistensia na bibienda ta varia, dependiendo di e posibilidatnan di e kliente: di un kuido sumamente mínimo te na unu hopi intensivo, i di kuido preventivo te na kuido protektor.

E enfoke di asistensia na bibienda ta pa siña hende kapasidatnan práktiko, komunikativo i sosial. Loke ta standart den e oferta di asistensia na bibienda ta trahamentu di presupuesto, okupashon di dia, guia pa trabou i prevenshon di rekaida. Ta parti di asistensia na bibienda pa media pa bibienda i/òf pa ofresé un lugá alternativo di biba. Tambe si e kliente no ta kapas di funshoná independientemente riba e merkado di bibienda òf ora solamente por kontraé un kontrato di hür. E kousa por ta mará na un situashon (detenshon, debe di hür, èts) òf na e kliente (por ehèmpel pa motibu di falta di kapasidat komo hürdó ku por konfia).

Pa fomentá integrashon di un kliente den sosiedat, e asistensia na bibienda ta tuma lugá mas tantu posibel den kolaborashon ku instansianan i institushonnan pafó di e sektor di adikshon. Ora ku e adikshon i/òf enfermedat sikiátriko ya no ta un faktor ku ta duna opstákulo den e situashon di biba, lo disminuí gradualmente e asistensia di e asistente na bibienda den e relashon entre kliente i korporashon di bibienda, irespekto di e forma di bibienda, sea ta independiente òf protektor.

Durante e último añanan a surgi demanda pa asistensia di un grupo di kliente ku ta adikto pa largu tempu òf ku ta sufri di un problema sikiátriko króniko. E grupo akí tin mester di asistensia di bibienda (woonbegeleiding) ku no ta nesesariamente dirigí riba biba kompletamente independiente, sino pa haña un tipo di bibienda mas adekuá ku ta posibel. Pa por kumpli ku e demanda akí, nos a kuminsá pone enfoke riba ampliashon di variedat di diferente tipo di bibienda i di bibienda protehé.