MHC t’ei pa tur!
22 June 2023
MEDIDANAN DI COVID-19
23 March 2020
MEDIDANAN PA PREVENI KONTAGIO DI COVID-19
A pesar di e echo ku ainda no tin kontagio di COVID-19 (Corona) virus na islanan BES, esaki ainda ta pidi pa nos tuma medidanan apropriá pa kliente, empleado i kolaboradonan.
Pa kuido di kliente por sigui den un manera seif, MHC ta tuma e siguente medidanan.
Referensia:
Aktualmente, referensianan nobo (di dòkter di kas) ainda ta wordu aseptá. Nos ta pidi referensiadonan pa ta mas kouteloso ora di referi na MHC. Den kaso di un kontagio di COVID-19 lo aseptá referensia solamente den kaso di emergensia.
Kuido di kliente:
- Empleado di MHC ta traha mas tantu via telefòn.
- Si no por via telefòn, nos lo bishita kliente na kas. Na bishita di kas nos lo semper tene na kuenta e reglanan di higiena i ‘social distancing’.
- Kliente ta wordu invita na kantor lo ménos posibel.
- Na rekonosementu di síntomanan (keintura, tosamento, benout) nos lo avisa e kliente pa tuma kontakto ku su dokter di kas.
- Aktividadnan den grupo ta suspendí (manera ‘praatgroepen’ etc.).
Sentro Nos Perseveransia (asistensia na bibienda na Boneiru)
- Aktividadnan di pasadia temporalmente ta suspendí. Si ta nesesario lo wordu konsultá ku kliente i referensiado pa un solushon.
- Atmishon di kliente nobo temporalmente ta suspendí. Si ta nesesario lo wordu konsultá ku kliente i referensiado pa un solushon.
- Bishita pa kliente lo wordu limitá. Bishitantenan no por drenta kamber di kliente.
- Empleado di SNP ta keda pendiente si kliente ta mustra síntomanan di COVID-19.
Kolaboradonan
Apilkando e reglanan di ‘social distancing’ nos ta purba di konsultá ku nos kolaboradonan mas tantu via telefòn. Empleado di MHC ta wordu avisa pa fisikamente reuní lo ménos posibel.
E medidanan lo wordu revisá ora e sirkumstansia den Caribe i besindario ta duna motibu pa esey. Nos ta pidi tur hende pa respetá i apliká e medidanan menshoná. Huntu nos por sòru ku e kuido por sigui mas tantu ku ta posibel.
Pa informashon aktual tokante e virus COVID-19, bishita e website di RCN na https://papiamentu.rijksdienstcn.com/covid-19.
