Direktor nobo na Mental Health Caribbean entrante 1 di novèmber
24 September 2024
Direktor nobo na Mental Health Caribbean entrante 1 di novèmber
24 September 2024
Direktor nobo na Mental Health Caribbean entrante 1 di novèmber
E hunta di supervishon di Mental Health Caribbean (MHC) a nombrá Kathelijne van den Boogert komo direktor nobo. E direktor lo kuminsá den su funshon entrante 1 di novèmber 2024. E promé dos lunanan lo ta un periodo di traspaso di e aktual direktor, Erik Jansen, kende ta baha for di su funshon na final di aña.
Despues di un proseso di selekshon kuidadoso, e hunta di supervishon a disidí di nombra Kathelijne pa motibu di su antesedente i ekspertisio impreshonante. Kathelijne, di 45 aña di edat, ta trese eksperensia amplio den tantu kuido komo den e área sosial. E tin un konosementu i eksperensia amplio den desaroyo di organisashon i a duna direkshon pa e transformashon den kuido di hóben (jeugdzorg) i kuido di salú mental di hóben (jeugd-GGZ) na Amsterdam. Den último shete añanan el a traha na Levvel den Amsterdam, un organisashon na Hulanda ku ta brinda kuido spesialisá pa hóben i kuido sikiátriko pa mucha, hóben, i famianan. Kathelijne lo bin establesé su mes na Boneiru ku su famia.
Na fin di ougùstùs, Kathelijne ya kaba a hasi un bishita informal pa sera konosí ku e departamentunan di MHC, despues di a firma su kontrato di trabou na e kantor di MHC na Sint Eustatius. Miembro di hunta di supervishon, Gerald Simmons-de Jong a kompañá Kathelijne den e ronda di sera konosí na isla ‘riba i miembro di konseho di supervishon Guillita Anthony a hasi esaki durante di e ronda na Boneiru.
Erik Jansen lo keda den funshon te ku fin di desèmber 2024 pa garantisá un traspaso sin problema. Erik ta mira e binida di Kathelijne komo un oportunidat pa sigui fortifiká e organisashon. Erik Jansen: “Ku e nombramentu di Kathelijne, mi ta konvensí ku por tuma e siguiente paso pa sigui desaroyá e kuido di salú mental apropiá i nesesario ku MHC ta brinda na Hulanda Karibense”. For di desèmber, e direktor nobo i esun saliente lo bishitá e vários partnernan di kadena na Aruba, Boneiru i Kòrsou pa un introdukshon i traspaso. Na komienso 2025 lo sigui ku un bishita similar na isla ‘riba.
Hunta di supervishon i personal di MHC ta antisipá riba un kolaborashon fruktífero bou di liderazgo di Kathelijne van den Boogert i ta wak bèk ku hopi apresio riba e hopi añanan di dedikashon i kompromiso di Erik Jansen.
Foto 1: Momentu di firmamentu di kontrato dor di Kathelijne van den Boogert i miembro di hunta di supervishon Gerald Simmons–de Jong.
Foto 2: Bishita di Kathelijne van den Boogert i miembro di hunta di supervishon Guillitta Anthony na Boneiru.
