Aviso di fayesimentu di Rudmila ‘Ruth’ Janga
05 June 2025
Ku tristesa profundo nos a tuma nota di fayesimentu di nos kolega stimá,
Rudmila ‘Ruth’ Janga
20 di mei 1960 – 3 yüni 2025
Komo enfermera sikiátriko na nos departamentu FACT, Ruth tabata di gran balor pa nos pashèntnan. Ku un kurason yen di amor, dedikashon inkansabel, un aserkamentu ku enfoke riba e persona e tabata sa kon pa toka i sostené un i tur. Ruth tabata pa nos mas ku un kolega. E tabata un pionero den nos organisashon, un fuente di inspirashon, un persona ku ta skucha, mama di Mental Health Caribbean i pa hopi un amiga stimá. Ku su vishon riba kuido pa e poblashon lokal, su kompromiso i personalidat kaluroso, el a laga un marka duradero riba e manera ku nos ta traha huntu i duna kuido.
Na nòmber di direktiva i tur kolega di Mental Health Caribbean nos ta deseá famia, amigu, koleganan i demas konosí hopi forsa den e tempu difísil akí.
